Türkiyədən Rusiyaya ixrac yükləri daşıyan konteyner qatarı Vorsino stansiyasına çatıb. Stansiyada qatarın qarşılanma mərasimi keçirilib. Mərasimdə “Rusiya Dəmir Yolları”nın nümayəndələri, Türkiyənin Rusiyadakı səfiri və digər rəsmi şəxslər iştirak ediblər.
15 konteynerdən ibarət qatar ümumilikdə 4 min 650 kilometr yol qət edib. 40 futluq konteynerlərdə Rusiyaya 4 min ədəd Türkiyə istehsalı olan məişət cihazları çatdırılıb. Qatar Bakı – Tbilisi – Qars dəmir yolu və “Şimal – Cənub” Nəqliyyat Dəhlizi vasitəsilə hərəkət edərək təyinat stansiyasına çatıb.
Daşımanın operatorları Pasifik Eurasia Logistics (Türkiyə), GR Logistics (Gürcüstan), ADY Konteyner (Azərbaycan) və Rusiyanın JSC “Russian Railways Logistics” şirkətləridir.
